Shq

• En
• Srb

Kërkesa e FTK-së shqyrtohet në Paris Prishtinë, 28 prill – Bordi i ri i Federatës së Tenisit të Kosovës i ka ringjallur kërkesat për pranim ndërkombëtar dhe për këtë çështje më 3-4 qershor në Paris do të diskutojë Komiteti Ekzekutiv i Federatës Evropiane të Tenisit (TE). Komunikimet me TE-në kanë filluar që pas zgjedhjes së bordit të ri, më 22 mars, nga kryetari Shkëlzen Domi.
Si rrjedhojë e bisedave të ndërsjella FTK dhe TE, shefi ekzekutiv i kësaj së dytës, Olli Mäenpää, e ka siguruar kryetarin Domi se kërkesa e FTK-së për pranim dhe ndihmë do të diskutohet në Paris. “Ky është vetëm një hap dhe do të përpiqemi të krijojmë kontakte direkte sa më të shpeshta me zyrtarët e TE-së dhe ITF-së, të cilëve po ashtu u kemi dërguar informata lidhur e zhvillimet e tenisit në Kosovë dhe kërkesën për anëtarësim. Përveç anëtarësimit, kuptohet se kemi nevojë për ndihma profesionale dhe asistencë nëpërmjet projekteve për zhvillimin e tenisit, që i kanë këto dy federata. Shpresojmë se kërkesa jonë do të hasë në mirëkuptim dhe do të fillojë bashkëpunimi më konkret”, tha kryetari i FTK-së, Domi.
FTK-ja po ashtu ditë më parë e ka lëshuar në përdorim faqen e re të internetit (me informata të plotësuara për gjithë federatën, klubet, turnetë dhe ranglistat e më të mirëve nëpër kategori).
Gjithashtu, Domi tha se në bazë të premtimeve që ka marrë na zyrtarët komunalë të Pejës pritet shumë shpejt aktivizimi i dy terreneve të tenisit pranë palestrës “Karagaç” dhe i klubit Peja, që e ka një traditë të gjatë.

Udhëheqësi i divizionit për sport ne KK. Pejë,zt. Ahmet Mahmutaj priti sot në selinë e tij kryetarin e FTK-së zt Shkelzen Domin i cili ishte i shoqëruar me ish anëtaret e KT ‘Peja’.
Ky takim është zhvilluar me iniciativen e kryetarit Domi i cili ka për qëllim qe në nje afat sa më të shpejtë sportin e tenisit ta riaktivizon në qytetin ku edhe ka filluar qe per here te pare te luhet ne Kosovë si dhe ne qytetin ku edhe eshte formuar Federata e Tenisit e Kosovës.
Ne kete takim eshte biseduar per mundesite e bashkepunimit te ndersjelle KK.Pejë-FTK ne menyre qe te gjinden menyra sa me efektive per riaktivizimin e fushave te tenisit ne kompleksin ‘Karagaq’ qe per fat te keq momentalisht gjinden ne gjendje te mjerushme.
Udhëheqësi i divizionit për sport ne KK. Pejë,zt. Ahmet Mahmutaj falenderoi kryetarin Domi per viziten dhe iniciativen qe e ka ndermare dhe tha qe eshte shume i gatshem qe brenda mundesive te ndihmon ne ringjalljen e sportit te tenisit ne Peje.
Ne kete takim moren pjese edhe disa ish teniste pejan si Izedin Zeka,Hysen Gashi,Rifat Kasapolli e Kreshnik Arifi nga te cilet kryetari Domi por edhe zt Mahmutaj kerkuan qe ne nje afat sa me te shkurte ta fillojne me iniciativen e formimit te klubit i cili do te ishte hapi i pare rreth ringjalljes se tenisit ne Pejë.
Pas takimit kryetari i FTK-se i shoqeruar nga ish tenistet pejan vizituan hapesiren ku gjindeshin terenet e tenisit ne kompleksin ‘Karagaq’ ku eshte biseduar reth mundesive te riaktivizimit sa me te shpejte te ketyre fushave.